Recomendacións Nadal 2016

Aquí tedes algunhas ideas para os vosos nenos e nenas. Un libro axúdalles a soñar e descúbrelles un mundo cheo de cousas por coñecer.

Recomendacións libros Nadal 2016

Publish at Calameo

Novidades de Decembro 2016 desde os apadriñamentos

O alumnado de 6º curso leulle moitos contos os luns, no proxecto lector, aos peques de 3 anos neste primeiro trimestre.
Queren aproveitar para facernos recomendacións lectoras coas novidades que entraron na biblioteca para o nadal.

Postais do Nadal

Aquí vos deixamos unha mostra das postais que fixeron os alumnos/as xunto coas súas familias para o concurso de postais que organizamos cada ano. Aproveitámolas para decorar o cole. Moitas grazas por participar e ... FELICES FESTAS!

Charla micolóxica ao Equipo Cogomelo.

O alumnado de 3º nivel, entre os que se atopa o "Equipo Cogomelo, tiveron hoxe a un auténtico especialista no eido micolóxico, Jesús Manuel Parada, presidente da asociación Refungando en Ribeira. Contounos moitas e interesantes cousas: diferencia entre fungo e cogomelo, as súas partes, as diferentes clases, a importancia que ten ser coidadoso á hora de coller as setas...
Logo fixemos un percorrido polo patio na procura de especies...e algo atopamos. Continuará...

Novidades DECEMBRO 2016

Lendo e compartindo letras e agarimos

O alumnado de 6º curso, como ven facendo en anos anteriores, fai lecturas ao alumnado de infantil. Este trimestre comezamos cos pequerrechos de 3 anos, que gustan de escoitar aos Bolechas en calquera recuncho do cole: dentro ou fóra, en escaleiras ou colchonetas...calquera sitio é bo para deixarnos envolver por "letras con agarimo".

Monicreques pola igualdade.

Que ben o pasamos e canto aprendemos coa Árbore Máxica!
Sabías que non hai cores de neos e cores de nenas? Os cores son de todos e todas! E o mesmo pasa cos xoguetes, son para xogar e podémolo facer xuntos!

25 de novembro Educando en Igualdade

O 25 de novembre é un día de reflexión e denuncia contra as diferentes formas de violencia que sofren as mulleres. Eleximos esta data para facer un cartel coas siluetas dun neno e dunha nena de tres anos e fómolas enchendo de palabras que nos gustaría oir e sentir. Partiparon todos os cursos escribindo palabras en positivo e con corazón, baixo o lema que xurdiu do alumnado de 6º curso: PALABRAS FALADAS, ESCOITA O SER AUTÉNTICO QUE HAI EN TI.

Queremos saber de fungos e cogomelos

Entre o alumnado de 3º curso xurdiu un "equipo cogomelo", como eles se bautizaron. Todo comezou este outono ao atopar cogomelos no patio do cole, un grupo de nenos empezou a preguntar polo seu nome e adicouse a buscar nos recreos todos cantos había distintos... Como querían saber moitas cousas, fomos ás fontes: libros, internet... e agora temos moitas máis dúbidas e moito máis interese... Continuará.

Novidades NOVEMBRO 2016

Enlaces web sobre MITOS, LENDAS e FÁBULAS

PREMEDE NOS ENLACES PARA ATOPAR MOITA INFORMACIÓN SOBRE O TEMA DO NOSO PROXECTO ACTUAL

@ Galicia encantada

@ Mitos y Leyendas

@ Fábulas y Leyendas

@ Actividades para trabajar Mitos y Leyendas

@ Mitos y leyendas para niños

@ Leyendas cortas y mitos para niños

@ Leyendas cortas con valores. Mitología para niños

Día das bibliotecas con Amicos e o conto "El monstruo de colores"

Alumnos do CEEPR Amicos, viñeron ao CEIP plurilingüe de Frións a contarnos o conto "Monstruo de colores". Aproveitando a celebración do día das bibliotecas escolares, disfrutamos da escenificación deste conto na biblioteca do cole. Alfonso, un dos usuarios que acode ao centro Amicos, veu con seis compañeiros máis a contar este conto das emocións que tanto nos gusta, ao alumnado de Educación Infantil e aos de 1º nivel de primaria. Non será unha ocasión única, faremos máis cousas xuntos!!!

Novidades OUTUBRO 2016