CONCERTO NA BIBLIOTECA

 CONCERTO NA BIBLIOTECA

O 12 de maio tivemos un concerto de guitarra de Beatriz Fernández para o alumnado de 4º de Infantil  na biblioteca. Cantamos cancións coñecidas para os nenos/as, tamén puidemos bailar  con moito ritmo.

Gracias por ensinarnos a tocar a guitarra. Nenos/as pequenos pero grandes artistas!!!!!

Xornada sobre o uso das pantallas

Teremos unha foramción interesante e oportuna nestes tempos tan dixitalizados.

Animádevos a vir

 

A visita do Apalpador

O pasado decembro o Apalpador visitou o noso centro e desexou a todo o alumnado un bo Nadal, cargado de valiosas mensaxes para o coidado do noso entorno!

Visita de Celtia Figueras

Presentounos a historia do conto Ula Lúa?, cos personaxes en forma de monicreques. Fíxonos sentir parte da historia e mesmo parecía que estabamos alí, vivindo as aventuras con eles.

  

Visita ao Diario de Arousa

 O grupo de 4ºB foron visitar as instalación do Diario de Arousa. Mesmo puideron observar a maquetación da visita que fixeron.

Visita de María Canosa

 Tivémola entre nos e foi a ledicia do alumnado de 3º e 4º. Asinou unha morea de exemplares do libro "O día que choveu do revés"´, é un agarimo  que queda de recordo nesas páxinas.

Visita do Apalpador

 Un ano máis veu visitarnos o queridísimo Apalpador. Contounos cousas curiosas e divertidas e mesmo mandounos un vídeo ao chegar a súa casa. Se premedes na imaxen ides ver máis fotos da visita.

Día da Terra con Odile Rodríguez de la Fuente

Visitounos a bióloga Odile Rodríguez de la Fuente que falou co alumnado de 6º sobre a figura do seu pai Félix Rodírguez de La Fuente, coñecido divulgador da natureza.

 

Odile foi quen de transmitirnos a mesma paixón que o se pai pola vida salvaxe e pola defensa do medio natural. 

Foi toda unha honra poder ter unha visita tan ilustre na que colaborou o concello de Ribeira.   

 

   

Visita de Raquel Queizás

Visitounos Raquel Queizás e contounos unha historia moi entretida. Converteuse nunha detective que investigaba o caso da desaparición dunha rapaza, perdida no bosque cando ía de excursión cos/oas compañeiros/as.
Descubrimos o que lle acontecera e aprendemos tamén moitas cousas sobre a DIABETES.

Aquí vos deixo unhas fotos

Visita do Apalpador

Visitounos o Apalpador, compartiu vivencias e ensinounos, como outras veces, a respectar a natureza e gozar das cousas sinxelas.

Se queredes ver máis fotos e coñecer un pouco mellor a este personaxe do Nadal, premede na imaxe.

Apalpador

O Apalpador visitounos e encheunos o corazón de bos desexos, recordando o importante que é coidar o noso medio, a natureza, para que ela poida seguir coidando de nos.

Anxo Moure e "Caramulo"

O 25 de maio, desfrutamos da visita do escritor chantadino Anxo Moure, a través da editorial Consorcio. Os máis pequenos do cole participaron activamente e moi entusiasmados coas súas historias, presentando a "Caramulo", a súa última obra, dentro da súa traxectoria en defensa da natureza: "O carballo con botas", "A Xacia Luviña", " O paraugas milaugas"...

Medicina e valores polo mundo

Actividades da I SEMANA DE VALORES CON CIENCIA no CEIP Plurilingüe de Frións:
o luns 8 de maio, tivemos unha CHARLA sobre ONGs, pola PEDIATRA DO HOSPITAL DO BARBANZA (Marian Cangas). Primeiro leulles un conto ao alumnado de EI, un Kamisibai sobre a sida en África e logo faloulles ao alumando de 5º e 6º curso, sobre a súa labor en Paquistán e en Kenia, colaborando con Médicos sen Fronteiras.

 

EXPER-I-CIENCIA. correntes mariñas

Actividades da I SEMANA DE VALORES CON CIENCIA no CEIP Plurilingüe de Frións:
o xoves 4 de maio, tivemos unha EXPERIENCIA-CHARLA DUN CIENTÍFICO (Antonio Cobelo, experto en correntes mariñas), solicitado desde EXPER-I-CIENCIA CSIC, para o alumnado de 5º e 6º curso. Foi toda unha experiencia misturar auga de cores doce e salgada, vendo como reaccionan.

Xincana Emocional

Actividades do 20 de abril na SEMANA da ORIENTACIÓN no CEIP Plurilingüe de Frións:
Xincana emocional, organizada polo alumnado do CEEPR Amicos para realizar cos alumnos e alumnas de sexto curso do cole... pasámolo fenomenal.

Pinchazos con moito mimo

Actividades do día 19 de abril na SEMANA da ORIENTACIÓN no CEIP Plurilingüe de Frións:
Unha mamá enfermeira montou unha sala de hospital no cole, coa súa cama e o instrumental básico. Todo o alumnado do cole, dende os pequenos ata os máis grandes, vivenciaron o bo trato e comprobaron que non hai que ter medo aos pinchazos.

Pizza da inclusión

Actividade do 18 de abril na SEMANA da ORIENTACIÓN no CEIP Plurilingüe de Frións:
Cociñando con emoción unha "Pizza da Inclusión", foi elaborada polo alumnado de 4º curso con alimentos moi distintos, como chocolate e salchichas, contando coa colaboración duns papás "Top Chef", xa habituais nos fogóns do noso cole.