Proxecto "Pio-pio" 2016

Continuando as ansias investigadoras do alumnado de 5º curso, iniciadas no pasado curso con pequenos "estudios científicos", este curso embarcamos nun proxecto máis ambicioso que vai do "ovo ao polo".

Partimos de preguntas do alumnado de 3º e 4º curso, que QUERÍAN SABER:
¿De que están feitos os ovos?
¿Como se crea o ovo dentro da galiña?
¿Como se fai o cascarón? ¿De que está feito?
¿En que parte do corpo a galiña fai os ovos?
¿Todos os ovos de galiña poden ter pitiños?
¿Como sabemos se un ovo está fertilizado?
¿A que temperatura se incuba un ovo?
¿Canto tempo dura a incubación dun ovo?...




Recollidas as preguntas, fixeronse tres grupos de traballo na aula de 5º curso e van plasmando nun cartel o seu traballo colaborativo en tres apartados:
-"que pensamos" antes de empezar co tema.
-"que nos interesa", unha vez imos avanzando nos contidos e o que lles vai interesando saber.
- "que investigo", onde xa van contestando o que lles interesou investigar para coñecer máis sobre o tema e poder responderlle aos compañeiros de 3º e 4º curso.









Ademáis, cada grupo vai recopilando fotos e distintos materiais relacionados cos ovos, polos, aves...e outros animais ovíparos, para facer unha exposición.

Co resultado da investigación o alumnado de 5º curso fará unha presentación dixital para acompañar a exposición oral do seu traballo, así como un libro de aula que recolla os "SABIAS QUE" que foron investigando do ovo ao polo.





E como broche final, ESTAMOS A INCUBAR OVOS NO COLEXIO!!!. Temos unha incubadora en préstamo e botamos ovos caseiros, debidamente fertilizados polo galo do galiñeiro e cada día os/as alumnos/as de 5º se van turnando para "removelos" e asegurar que están ben quentiños.





O entusiasmo é moito...e temos vixiando o noso pito de Frións, a ver se coa axuda do Aquel saen a ramo todos os pitiños deste "proxecto frioneiro"...a pesar dos tronos, granizadas e tornados!