Recursos Magosto

 UNIDADE DIDÁCTICA MAGOSTO 2022

Leer más publicaciones en Calaméo

Volven as mochilas viaxeiras!

As Mochilas Viaxeiras voltan ao noso cole con moito que contar! 

Este ano contaremos cunha mochila por curso, con todo ben explicado (libros e material que levan, díptico coas normas das mochilas...) O Aquel continua, moi atento dende a biblio, asegurándose de que todo funcione correctamente.

 Desfrutade das lecturas!

Recursos Samaín

Xa chega o Samaín e unha vez máis queremos poñer ao alcance de tódala comunidade recursos relacionados. Esperamos que vos sexa útil.

Novidades outubro

Comezo da apertura da biblioteca polas tardes!

A partir do luns 3 de outubro reabrirá a biblioteca do cole polas tardes. O horario será de 16:00 a 17:30 horas dos luns, mércores e xoves. Os martes de 16:00 a 17:00 horas para préstamos e devolucións.

Dende o centro queremos poñer a disposición un espazo onde poidan ler e facer algunha tarefa.

Volve o apadrinamento lector!

Comezamos este curso 2022/23 coa volta dos apadrinamentos lectores! Participan os cursos 5ºB de Educación Primaria e 6º de Educación Infantil.

Velaquí algunhas fotos do primeiro día!

Lema e cartel das Bibliotecas Escolares 2022/23

A Consellería de Cultura, Educación, Formación Profesional  e Universidades publica o lema e o cartel para as bibliotecas escolares de Galicia de cara a este curso 2022/2023. O lema elixido, ESCRIBIR A BIBLIOTECA ESCOLAR, quere poñer o foco en todas as formas de escrita que cuida e ofrece a biblioteca escolar . A escrita como medio de comunicación, expresión, creación, información e coñecemento.

 

A imaxe que interpreta este lema proposto para o curso 2022-2023 é obra da calígrafa, deseñadora gráfica e mestra de talleres de caligrafía e lettering Belén L. Méndez coñecida como nacu, que leva xa un tempo colaborando coas bibliotecas escolares en  obradoiros.

A biblioteca escolar ofrece oportunidades e recursos para escribir e escribirnos:

 

- Escribir para saber, para aprender.

- Escribir para comunicar e comunicarnos.

- Escribir relatos, historias.

- Escribirnos, coñecernos a través da escrita: diarios, axendas,  biografía...

- Escribir xuntos en relatos colectivos, encadeados, libros viaxeiros, wikis…

- Escrita creativa: microrrelatos, haikus, collages, caligrafía…

- Escribir para deixar pegada e preservar a memoria individual e colectiva.

- Escribir para incluír e visibilizar.

- Traducir.

- Reescribir, versionar e adaptar.

- Escribir no audiovisual: guións, escaletas.

- Escribir para  estimular a creación.

Escribir para ser (lido), para que o lector e a lectora dea vida ao libro, ao escrito.

SE QUEREDES MÁIS INFORMACIÓN, PREMEDE AQUÍ