Semana da muller traballadora

Con motivo da celebración do día da muller traballadora o 8 de marzo, invitamos ao cole a duas mamás que nos contaron a súa experiencia traballando fóra de Galicia.

O luns 9 contamos con Dolores González, mamá de Sandro de 6º de infantil e de Moira e Silvio, antiguos alumnos. Contoulles aos alumnos de EI e aos de 1º e 2º curso de primaria a súa experiencia traballando en "kindergarten" en Suiza. Dolores puido vivenciar en Suiza o que é o día a día nun país que respira natureza e no que o respeto e coidado polo seu entorno, vai na práctica diaria.



O mércores 11 de marzo visitounos Matilde García, mamá de Mariña, Iago e Iván, alumnos de 5º e 6º curso de primaria. Relatounos a súa experiencia como mestra nun colexio relixioso en Bolivia. Matilde compartiu cos rapaces e rapazas fotografías e recordos da súa experiencia, transmitindo o cariño, respeto e o bo trato que atopou nas xentes coas que compartiu eses anos da súa vida.